علاء الدین بروجردی نے بدھ کے روز ایران میں قائم چینی سفارتخانے کی میزبانی میں چانگ ہوا کے ساتھ ملاقات کی۔
ملاقات کے دوران چینی سفیر نے امریکی ایوان نمائندگان کی اسپیکر نینسی پیلوسی کے تائیوان کے جزیرے کے دورے کی صورت میں چین کی علاقائی سالمیت میں امریکی مداخلت کے تناظر میں چین کے لیے ایران کی حمایت کا خیرمقدم کیا۔
علاءالدین بروجردی نے بھی واشنگٹن کے اس مداخلت پسندانہ اور من مانی رویے کے خلاف چین کے فیصلہ کن ردعمل کی تعریف کی اور کہا کہ اگر امریکی مداخلتی اقدامات کا سختی سے جواب نہ دیا گیا تو وہ اس سے بھی بڑے اقدامات اٹھائیں گے۔
انہوں نے مزید کہا کہ واشنگٹن خطے میں بحران پیدا کرنے کے لیے تائیوان کے مسئلے کو ایک آلے کے طور پر استعمال کر رہا ہے۔
بروجردی نے ایران اور چین کے درمیان تعاون سے متعلق 25 سالہ دستاویز کا حوالہ دیتے ہوئے، جس میں دونوں ممالک کے درمیان تعاون کے وسیع شعبے شامل ہیں، بعض اہم بنیادی ڈھانچے کے منصوبوں پر عمل درآمد کو تیز کرنے پر زور دیا جن میں چینی کمپنیوں کے ذریعے ایرانی ریلوے لائن کی تعمیر بھی شامل ہے۔
ہمیں اس ٹوئٹر لینک پر فالو کیجئے @IRNA_Urdu