لاہور چیمبر آف کامرس اینڈ انڈسٹری کے چیئرمین اور سینئر عہدیداروں پر مشتمل ایک پاکستانی تجارتی وفد تجارتی تعلقات بالخصوص اپنے صوبوں کے چیمبرز آف کامرس کے ساتھ بات چیت کو مضبوط بنانے کے لیے اتوار کی صبح ایران روانہ ہوا۔
لاہور کے سینئر کاروباری کارکنوں اور اس شہر کے چیمبر آف انڈسٹری اینڈ کامرس کے عہدیداروں کا دورہ ایران لاہور میں اسلامی جمہوریہ ایران کے قونصلیٹ جنرل کی کوششوں کے ساتھ کیا گیا ہے اور یہ دونوں ممالک کے صوبوں کے درمیان رابطوں کو وسعت دینے کی کوششوں کا حصہ ہے۔
لاہور چیمبر آف کامرس کے اراکین چیمبر آف کامرس اینڈ انڈسٹری کے چیئرمین نعمان کبیر کی سربراہی میں آج کی صبح لاہور انٹرنیشنل ایئرپورٹ سے تہران روانہ ہوئیں۔
اس وفد کے ممبر تہران، اصفہان ، مشہد اور زاہدان کے شہروں کا دورہ کر کے ملک کے کاروباری اور صوبائی عہدیداروں سے ملاقات کے ساتھ ساتھ اپنے ہم منصبوں کے ساتھ باہمی تجارت کو فروغ دینے اور پنجاب اور ایرانی صوبوں کے درمیان اقتصادی اور تجارتی تعلقات کو بڑھانے کے طریقوں پر تبادلہ خیال کریں گے۔
ایران اور پاکستان کے نجی شعبوں کے درمیان تعلقات کو مضبوط بنانا اور سرمایہ کاری، سیاحت، صنعت ،درآمدات اور برآمدات کے شعبوں میں تعاون کو فروغ دینے کے لیے صلاحیتوں کی وضاحت کرنا پاکستانی تجارتی وفد کے دورہ ایران کے دیگر مقاصد ہیں۔
ہمیں اس ٹوئٹر لینک پر فالو کیجئے. IrnaUrdu@
https://twitter.com/IRNAURDU1