القسام بریگیڈ کے اس کمانڈر نے الجزیرہ کو بتایا ہے کہ ہم نے صیہونیوں کے وحشیانہ حملوں کے نتائج کے بارے میں پہلے بھی خبردار کیا تھا لیکن نتن یاہو اور ان کی فوج اس معاملے کو اپنے انداز میں نظر انداز کرنا چاہتی ہے۔
انہوں نے کہا کہ القسام بریگیڈ نے جن صیہونیوں کو قید کیا تھا غاصب فوج کے مسلسل وحشیانہ حملوں میں ان کی بڑی تعداد لاپتہ ہوچکی ہے۔
عزالدین قسام بریگیڈ نے زور دیکر کہا ہے کہ صیہونی قیدیوں کی جان اور تقدیر کی ذمہ داری مکمل طور پر تل ابیب پر عائد ہوتی ہے۔
قابل ذکر ہے کہ غزہ میں قید 112 صیہونیوں کے لواحقین نے نتن یاہو کے خلاف تل ابیب کی عدالت عظمی میں کیس درج کردیا ہے۔
اس شکایت نامے میں درج ہے کہ نتن یاہو قیدیوں کے تبادلے کے راستے میں رکاوٹ کھڑی کر رہے ہیں۔