ایران میں رواں سال کے آخر تک 18 مقامی سیٹلائٹ کی تیاری

یہ بات "محمد جواد آذری جہرمی" نے ایرانی مجلس کے اجلاس سے خطاب کرتے ہوئے کہی۔
اس موقع پر انہوں نے کہا کہ 2013 تک ملک میں صرف تین سیٹلائٹ تیار کئے گئے تھے اور 2017 میں اس کی تعداد سات تک بڑھ گئی اور رواں سال کے آخر تک 18 قومی سیٹلائٹ تیار ہوں گے جبکہ گزشتہ سال کے دوران موجودہ مسائل کو مدنظر رکھتے ہوئے ، ہم نے خلائی شعبے کے بجٹ میں 1.5 فیصد اضافہ کیا۔
آذری جہرمی نے کہا کہ عالمی اعدادوشمار کے مطابق ، ایران میں اب خطے میں مواصلات اور انفارمیشن ٹکنالوجی کی شرح نمو سب سے زیادہ ہے اور وہ دنیا میں دوسرے نمبر پر ہے۔
انہوں نے کہا کہ آج ، ملک کے 89 فیصد دیہات نیشنل انٹیلی جنس نیٹ ورک کے زیر انتظام ہیں۔
ایرانی وزیر مواصلات نے کہا کہ 2013 کو پورے ملک میں ، صرف 300 ہزار صارفین کو براڈ بینڈ نیٹ ورک تک رسائی حاصل تھی ، جو اب 70 ملین افراد تک پہنچ چکی ہے۔
ہمیں اس ٹوئٹر لینک پر فالو کیجئے. IrnaUrdu@