ارنا کے مطابق بدھ 4 اکتوبر کو ورلڈکپ 2030 کی میزبانی کے فیصلے کے لئے فیفا کا اجلاس ہوا اور میزبانوں کا تعین کردیا گیا۔
فیفا کے فیصلے کے مطابق 2030 کے ورلڈ کپ کے مقابلے، سوسالہ جشن تاسیس کی مناسبت سے ، تین براعظموں کے چھے ملکوں میں ہوں گے۔
فیفا نے اعلان کیا ہے کہ 2030 کے ورلڈکپ کی میزبانی کے لئے، مراکش ترتگال اور اسپین کی درخواستیں قبول کرلی گئی ہیں اور تینوں ملکوں میں مقابلے ہوں گے، لیکن یہ موافقت مشروط ہے اور ان تینوں ملکوں نے اگر میزبانی کے لئے اپنی نامزدگی کے تمام مراحل پورے کرلئے تو 2024 کی فیفا کانگریس کے اجلاس میں سرکاری طور پر ورلڈکپ 2030 کے میزبان کی حیثیت سے ان کے ناموں کا اعلان کیا جائے گا۔
فیفا کونسل کے اجلاس میں اس بات کی بھی موافقت کی گئی ہے کہ سوسالہ یوم تاسیس کا جشن یورو گوئے کے دارالحکومت مونٹے ویڈیو میں جہاں پہلا ورلڈ کپ ہوا تھا، منعقد ہوگا۔
فیفا کونسل کے فیصلے کے مطابق ورلڈکپ 2030 کے پہلے تین افتتاحی کھیل بالترتیب، یوروگوئے، ارجنٹینا، اور پیرا گوئے میں ہوں گے ۔
فیفا کونسل نے اس اجلاس میں اسی طرح 2034 کے ورلڈ کپ کی میزبانی کے لئے نامزدگی کے آغاز کا اعلان کیا اور ایشیا و پیسیفک فٹبال کنفیڈریشن کے رکن ملکوں سے درخواست کی کہ 2034 کے ورلڈ کپ کی بہترین میزبانی کی شرائط کے تعلق تجاویز پیش کریں۔
ہمیں فالو کیجئے @IRNA_Urdu