ایرانی عوام نے امریکہ کو ہر میدان میں ناکام بنادیا ہے: تہران امام جمعہ

یہ بات علامہ ''کاظم صدیقی'' نے آج تہران کے مرکزی نماز جمعہ میں شریک ہزاروں نمازیوں سے خطاب کرتے ہوئے کہی.
اس موقع پر انہوں نے ایران کے خلاف امریکی دھکمیوں کا ذکر کرتے ہوئے کہا کہ امریکہ نے گزشتہ 40 سالوں سے ایران کو توڑنے کے لئے ہر ممکن کوشش کی، اس نے علیحدگی پسندوں کی حمایت کی، ایرانیوں پر جنگ مسلط کی، ہمارے طیاروں اور بحری جہازوں کو نشانہ بنایا، صدام کو ایران کے سامنے لایا اور آخر میں اس نے ہمارے علاقے طبس میں بھی دراندازی کی مگر وہ جس طرف سے بھی آیا اسے ناکامی کا سامنا کرنا پڑا.
تہران کے امام جمعہ نے مزید کہا کہ ایرانی نوجوانوں نے انقلاب کی فتح کے کچھ ہی مہینے کے بعد تہران میں نام نہاد امریکی سفارتخانے جو در اصل جاسوسی کا اڈہ تھا، پر قبضہ کرلیا اور اس جد و جہد میں امریکی سفارتکاروں اور جاسوسوں کو حراست میں لے لیا جس سے دنیا میں امریکی عزت خاک میں مل گئی.
انہوں نے کہا کہ آج کا ایران 40 سال پہلے سے زیادہ طاقتور ہے، ہم عسکری، دفاعی اور علاقے میں مضبوط ہوئے ہیں مگر امریکہ ہر لحاظ سے زوال کا شکار ہے.
علامہ صدیقی نے مزید کہا کہ ایران مخالف امریکہ کے منفی عزائم اور پروپیگنڈوں سے ایرانی عوام کے عزم متاثر نہیں ہوگا بلکہ ایران کی طرح دنیا کی دوسری اقوام کی امریکہ سے نفرت میں مزید اضافہ ہوا ہے.
274**
ہمیں اس ٹوئٹر لینک پر فالو کیجئے. IrnaUrdu@