ارنا کے مطابق وزیر خارجہ سید عباس عراقچی نے خلیج فارس کے ملکوں میں تعینات ایرانی سفیروں کے ساتھ اس نشست میں، پڑوسیوں کے بارے میں اسلامی جمہوریہ ایران کی خارجہ پالیسی کی تشریح کی ۔
ایران کے وزیر خارجہ نے کہا کہ صوبائی ڈپلومیسی، پارلیمنٹ مجلس شورائے اسلامی میں اعتماد کا ووٹ حاصل کرنے کے موقع پر ان کی تقریر کے اہم موضوعات میں شامل تھی۔
انھوں نے ایران کے سفیروں سے کہا کہ صوبائی ڈپلومیسی کے موضوع پر پہلی علاقائی نشست سے، صوبہ فارس کی گنجائشوں اور توانائیوں سے واقفیت کے لئے فائدہ اٹھائيں اور اس صوبے کے متعلقہ اداروں، بالخصوص گورنر ہاؤس، ایوانہائے صنعت وتجارت اور جنوبی صوبوں کے فری زون کی انتظامیہ سے رابطہ بڑھائيں اور خلیج فارس کے ساحلی ملکوں کے ساتھ روابط کے استحکام میں حائل رکاوٹوں کو دور کرنے کی کوشش کریں۔
آپ کا تبصرہ