ہفتہ کی صبح IRNA کے مطابق، ایران کے وزیر خارجہ سید عباس عراقچی نے سوشل نیٹ ورک X (سابقہ ٹویٹر) پر لکھا کہ میں اصولی طور پر مذاکرات کے اہم عناصر کے بارے میں میڈیا کے ذریعے دلائل پیش کرنے سے گریز کرتا ہوں لیکن میں جو کہنا چاہتا ہوں وہ یہ ہے کہ جھوٹ کو دہرانے سے بنیادی حقائق تبدیل نہیں ہوتے۔
عراقچی نے کہا کہ ایران، معاہدے کے بانی دستخط کنندگان میں سے ایک کے طور پر، مکمل ایٹمی ایندھن سائیکل Complete Nuclear Fuel Cycle رکھنے کا مکمل حق رکھتا ہے۔ مزید برآں،NPT کے کئی ممبر نیوکلیئر ہتھیاروں کو مکمل طور پر مسترد کرتے ہوئے یورینیم کو افزودہ کرتے ہیں۔
انہوں نے یاد دہانی کرواتے ہوئے کہا کہ اس کلب میں ایران کے علاوہ کئی ایشیائی، یورپی اور جنوبی امریکی ممالک بھی شامل ہیں۔
عراقچی نے کہا کہ زورگیری اور اشتعال انگیز بیان بازی سے کامیابی کے امکانات کو تباہ کرنے کے سوا کچھ حاصل نہیں ہوگا۔
انہوں نے کہا کہ ایک قابل اعتماد اور پائیدار معاہدہ ممکن ہے جس کے لیے مضبوط سیاسی ارادہ اور منصفانہ رویہ لازم ہے۔
آپ کا تبصرہ