ایرانی وزیر خارجہ، زیادہ سے زیادہ دباؤ کا تجربہ پہلے بھی ناکام ہو چکا ہے

ایرانی وزیر خارجہ سید عباس عراقچی نے آج بروز بدھ (5 فروری2025) حکومتی وفد کے اجلاس کے موقع پر صحافیوں سے گفتگو کرتے ہوئے گزشتہ رات امریکی صدر کے ریمارکس کے بارے میں کہا کہ میں سمجھتا ہوں کہ زیادہ سے زیادہ دباؤ کا تجربہ پہلے بھی ناکام ہو چکا ہے اور دوبارہ کوشش کرنا ایک اور ناکامی کو دعوت دینے کے مترادف ہے۔

وزیر خارجہ نے مزید کہا کہ اگر اصل مسئلہ یہ ہے کہ ایران جوہری ہتھیار نہ بنائے، تو یہ قابل حل ہے۔ ایران این پی ٹی کا سرگرم رکن ہے اور جوہری ہتھیاروں کے حوالے سے ہماری پالیسی بالکل واضح ہے اور جوہری ہتھیاروں کی ممانعت پر سپریم لیڈر کا فتویٰ بھی موجود ہے جو ہمارے موقف کی تائید کرتا ہے۔