اقوام متحدہ: مسئلہ فلسطین میں عرب ممالک کی عدم مداخلت پر حیرت کا اظہار

تہران (ارنا) فلسطینی علاقوں میں انسانی حقوق کے لیے اقوام متحدہ کی خصوصی نمائندہ نے مسئلہ فلسطین میں عرب ممالک کی جانب سے مداخلت نہ کرنے پر حیرت کا اظہار کیا ہے۔

فرانچسکا البانیز، فلسطینی علاقوں میں انسانی حقوق کے لیے اقوام متحدہ کی خصوصی نمائندہ نے ایک ٹیلی ویژن انٹرویو میں اس سلسلے میں لیبیا کے کردار کو سراہا۔

انہوں نے صیہونی حکومت کے جرائم کو خطرناک قرار دیتے ہوئے کہا کہ اسرائیل فلسطینیوں کو بے دخل کرنا چاہتا ہے۔

فلسطینی علاقوں میں انسانی حقوق کے لیے اقوام متحدہ کی خصوصی نمائندہ نے مغربی کنارے اور مشرقی بیت المقدس کے درمیان فرق نہ کرنے کی ضرورت پر زور دیتے ہوئے کہا کہ  صیہونی حکومت جنین کیمپ کے مکینوں سے اس علاقے کو خالی کرانے کی کوشش کر رہی ہے۔

مغربی کنارے میں جو کچھ ہو رہا ہے اس پر گہری تشویش کا اظہار کرتے ہوئے انہوں نے کہا کہ  صیہونی حکومت فلسطینیوں پر حملے کر رہی ہے، ان کے ساتھ استعماری سلوک کر رہی ہے اور فلسطینیوں کی زمین پر قبضہ کرنے کی کوشش کر رہی ہے۔

اس سے قبل فرانچسکا البانیز نے خبردار کیا تھا کہ صیہونی حکومت کی طرف سے فلسطینیوں کی نسل کشی صرف غزہ تک محدود نہیں رہے گی بلکہ مقبوضہ مغربی کنارے تک پھیلے گی۔

0 Persons

آپ کا تبصرہ

You are replying to: .