ارنا کے مطابق حماس نے ایک بیان جاری کرکے کہا ہے کہ حماس کے فوجی بازو القسام بریگیڈ اور استقامتی فلسطینی محاذ نے ایک بار پھر میدان جنگ کو کنٹرول میں رکھنے کی اپنی توانائی ثابت کردی۔
بیان میں کہا گیا ہے کہ جنگی قیدیوں کی حوالگی جو مثالی نظم وضبط کے ساتھ انجام پائی اور اس نے دنیا کو مبہوت کردیا، جرائم پیشہ صیہونی فوج کا منھ خاک میں ملنے کے بعد عمل میں آئی ہے۔
حماس نے اپنے بیان میں کہا ہے کہ آج جو ہوا ہے وہ القسام بریگیڈ اور سرایا القدس نیز دیگر استقامتی فلسطینی گروہوں کے اتحاد کا ثبوت ہے، یہ اتحاد میدان جنگ میں بھی تھا اور جنگی قیدیوں کے آپریشن میں بھی نظر آیا جو حماس کے شہید رہنما یحیی سنوار کے گھر کے سامنے انجام پایا۔
حماس کے بیان میں کہا گیا ہے کہ شمالی غزہ کے جبالیا کیمپ ميں اور جنوبی غزہ کے شہر خان یونس میں جنگی قیدیوں کے تبادلے کا آپریشن، استقامتی فلسطینی محاذ میں شامل سبھی گروہوں کے اتحاد اور ملت فلسطین کی استقامت و توانائی کا مظہر ہے۔
اس بیان میں کہا گیا ہے کہ غزہ ميں مختلف مقامات پر منجملہ، جبالیا کیمپ اور شہر خان یونس ميں شہید یحیی سنوار کے گھر کے سامنے صیہونی جںگی قیدیوں کی حوالگی کی تقریب دنیا کے لئے اس پیغام کی حامل ہے کہ ہمارے عوام اپنے وطن میں ثابت قدم ہیں، استقامت جاری رکھیں گے اور سرزمین فلسطین کو آزاد کرانے پر مصمم ہیں۔
آپ کا تبصرہ