IRNA کے فارن پالیسی رپورٹر کے مطابق، اسماعیل بقایی نے جمعرات 19 دسمبر 2024 کو صیہونی حکومت کے یمن کے بنیادی انفراسٹرکچر بشمول صنعا پاور پلانٹ، راس العیسیٰ فیول ٹینک اور یمن کی الحدیدہ بندرگاہ پر حملوں کی شدید مذمت کی۔
بقایی نے ان جارحانہ حملوں کو یمن میں شہری بنیادی انفراسٹرکچرکی تباہی کا باعث قرار دیتے ہوئے بین الاقوامی قوانین اور اقوام متحدہ کے چارٹر کے اصولوں اور قوانین کی سنگین خلاف ورزی قرار دیا اور کہا کہ صیہونی حکومت کے جرائم امریکہ کی غیر مشروط حمایت کے تحت ہوتے ہیں اور واشنگٹن تل ابیب پر حاکم مجرم گروہ کی خلاف ورزیوں اور جرائم میں شراکت دار ہے۔
انہوں نے مظلوم فلسطینی قوم کے ساتھ یمنی عوام کی حمایت اور یکجہتی کو سراہتے ہوئے کہا کہ عالمی برادری اور عالم اسلام کی قانونی اور اخلاقی ذمہ داری ہے کہ وہ صیہونی حکومت کی جارحیت کو روکیں اور کوششیں کریں اس حکومت کو بین الاقوامی فوجداری عدالت کے قانون میں بیان کردہ تمام جرائم بالخصوص جارحیت اور جنگی جرائم کے تحت سزا دلوائیں۔
آپ کا تبصرہ