حزب اللہ نے اپنے بیان میں کہا ہے کہ غزہ پٹی میں ثابت قدم فلسطینی قوم اور ان کی جرأتمندانہ اور باوقار مزاحمت کی حمایت اور لبنان کے دفاع میں اسلامی مزاحمت کے مجاہدین نے المالکیہ میں دشمن کے فوجی ٹھکانے کو میزائلوں سے نشانہ بنایا ہے۔
لبنانی مزاحمت نے مشرقی مرکبا میں عدیسہ-رب ثلاثین-الطیبہ ٹرائکا میں قابض افواج کے ٹھکانوں پر بھی کئی راکٹ حملے کئے۔
ایک اور کارروائی میں حزب اللہ نے براہ راست کرمئیل شہر کو میزائل حملے سے نشانہ بنایا۔
اپنی کارروائیوں کے تسلسل میں لبنان کی اسلامی مزاحمت نے عدیسہ شہر کے جنوب اور شمال مغربی حصے میں 2 مرکاوا ٹینکوں کو تباہ کردیا۔
حزب اللہ نے راموت نفتالی نامی فوجی بیرک پر بھی بڑے پیمانے پر ڈرون حملے کیے۔
آپ کا تبصرہ