سید عباس عراقچی نے شام پہنچنے پر صحافیوں سے گفتگو کرتے ہوئے کہا کہ دمشق کے دورے کا مقصد علاقائی پیش رفت کے حوالے سے بات چیت کو آگے بڑھانا ہے۔ انکا کہنا تھا کہ بیروت میں ہم نے لبنانی حکام کے ساتھ مشاورت اور بہت اہم ملاقاتیں کیں۔
انہوں نے کہا کہ ہم معاملات کو آگے بڑھانے کے لیے دمشق میں شامی حکام کے ساتھ بھی بات چیت کریں گے۔ انہوں نے واضح کیا کہ ہم خطے میں ہونے والی پیش رفت کے حوالے سے شام کی حکومت میں اپنے قریبی دوستوں کے ساتھ ہمیشہ مشورت کرتے ہیں اور آج کا سب سے اہم موضوع لبنان میں، خاص طور پر غزہ میں جنگ بندی ہے۔
عراقچی نے مزید کہا کہ اس حوالے سے بات ہوئی ہے، اور ہمیں کامیابی کی امید ہے، لیکن بدقسمتی سے صیہونی حکومت کی دشمنی اور جرائم بدستور جاری ہیں، ہمیں ہمیشہ سے پتہ ہے کہ صیہونی حکومت طاقت، جنگ اور جرائم کی زبان کے علاوہ کوئی زبان نہیں جانتی، وہ شبانہ روز بیروت، جنوبی لبنان اور غزہ میں اپنے جرائم کو جاری رکھے ہوئے ہے، اور اس کے جرائم کو روکنے کے لیے عالمی برادری کی اجتماعی کوششوں کی ضرورت ہے۔
آپ کا تبصرہ