سید عباس عراقچی نے ایکس پر لکھا: میں نے اقوام متحدہ کے سکریٹری جنرل کے ساتھ بات چیت میں اس بات پر زور دیا کہ امریکہ اور اسرائیل کے دوسرے مغربی حامیوں کی رکاوٹوں کی وجہ سے اقوام متحدہ کی سلامتی کونسل کی جانب سے عدم اقدام در اصل ناجائز صیہونی حکومت کے جرائم اور مہم جوئی کی بنیادی وجہ ہے۔
انہوں نے مزید کہا: ان حالات میں سکریٹری جنرل کی قانونی اور اخلاقی ذمہ داری کا تقاضا ہے کہ وہ جارحیت اور نسل کشی کے خلاف عالمی برادری کی آواز بنیں اور اقوام متحدہ کے چارٹر کے مطابق اپنے اختیارات کا استعمال کرتے ہوئے عالمی برادری کو صیہونی حکومت کی جارحیت کے خلاف موثر کارروائی کرنے کے لیے متحرک کریں۔
سید عباس عراقچی نے واضح کیا کہ میں نے سکریٹری جنرل کو یاد دلایا کہ امریکہ غزہ اور لبنان میں اسرائیل کے جرائم میں قطعی طور پر شریک ہے، جیسا کہ سید مزاحمت کو بھی امریکہ کی طرف سے دیئے گئے 5000 پاؤنڈ کے بنکر بسٹر ہتھیار سے شہید کیا گيا۔
وزیر خارجہ نے مزید کہا: اسلامی جمہوریہ ایران اپنی سلامتی اور اسٹریٹجک مفادات کے دفاع اور صیہونی حکومت کی خباثت کا مقابلہ کرنے کے لیے پرعزم ہے۔ ایران لبنان کے ساتھ کھڑا ہے۔
آپ کا تبصرہ