رہبر ایران: غزہ کا مسئلہ آج بھی عالم اسلام کا اولین مسئلہ ہے۔

 رہبر انقلاب اسلامی نے آج صبح 12 ویں پارلیمنٹ کے اسپیکر اور ارکان سے ملاقات میں تاکید کرتے ہوئے فرمایا: ہمیں اس بات پر یقین رکھنا چاہیے کہ حالیہ انتخابات میں منتخب صدر کی فتح و کامرانی سب کی فتح ہے۔

آیت اللہ خامنہ ای نے ملک کے نظم و نسق میں پارلیمنٹ کے کردار پر روشنی ڈالنے اور ارکان پارلیمنٹ  کو سفارشات کو لازمی ہدایت دینے کے بعد غزہ کے مسئلے کی جانب اشارہ کیا اور فرمایا کہ غزہ کا مسئلہ ابھی عالم اسلام کا پہلا مسئلہ ہے اور پارلیمنٹ کو اس معاملے پر خاموش نہیں رہنا چاہئے۔

انہوں نے مزید کہا کہ یہ درست ہے کہ کئی مہینے گزرنے کے ساتھ ساتھ بہت سے لوگوں میں وہ ابتدائی جذبہ نہیں ہے، لیکن حقیقت یہ ہے کہ پہلے دنوں جیسی اہمیت آج بھی غزہ کے معاملے میں موجود ہے، بلکہ اس سے بھی زیادہ ہے۔

ایران کے سپریم لیڈر نے غزہ میں اپنے اہداف کے حصول میں صیہونی حکومت کی ناکامی کا ذکر کرتے ہوئے فرمایا کہ مزاحمت کی طاقت روز بروز اپنی طاقت کو ظاہر کر رہی ہے۔  بڑی عسکری، سیاسی اور اقتصادی طاقت کا حامل امریکہ  غاصب صیہونی حکومت کے ساتھ مل کر ایک مزاحمتی گروہ سے لڑ رہا ہے، وہ انہیں گھٹنے ٹیکنے تک نہیں پہنچا سکتے۔

انہوں نے غزہ میں بچوں کو قتل کرنے والی صیہونی حکومت کے جرائم کی مذمت کرتے ہوئے کہا کہ کیونکہ صیہونی مزاحمت کو اپنے گھٹنوں تک نہیں لا سکتے، وہ لوگوں پر، اسکولوں، ہسپتالوں، بچوں اور عورتوں پر بمباری کر رہے ہیں۔ دنیا والوں کی نظروں کے سامنے غزہ میں جرائم کا ارتکاب کیا جا رہا ہے۔