ارنا کے مطابق فلسطین کی وزارت صحت نے ایک بیان جاری کرکے اعلان کیا ہے کہ صیہونی حکومت کی فوج نے گزشتہ چوبیس گھنٹے میں غزہ کے مختلف علاقوں پر تین بار حملے کئے ۔
اس رپورٹ کے مطابق گزشتہ چوبیس گھنٹے میں صیہونی فوج کے حملوں میں 47 فلسطینی شہید اور 52 زخمی ہوگئے۔
فلسطین کے محکمہ صحت کے مطابق نئی شہادتوں کے بعد سات اکتوبر 2023 سے اب تک غزہ پر صیہونی حملوں میں شہید ہونے والوں کی تعداد 37ہزار 765 اور زخمیوں کی تعداد 86 ہزار 429 ہوگئی ہے۔
صیہونی حکومت نے غزہ کے مختلف علاقوں پر ایسی حالت میں اندھا دھند وحشیانہ حملے جاری رکھے ہیں کہ ان حملوں کی وجہ سے اندرونی اور بیرونی دونوں سطح پر اس کو لاحق بحران روز بروز سیع تر ہوتا جارہا ہے۔
غاصب صیہونی حکومت گزشتہ آٹھ ماہ کے دوران اپنے وحشیانہ حملوں، جنگی جرائم اور فلسطینیوں کی نسل کشی سے اپنا کوئی بھی مقصد پورا نہیں کرسکی ہے جبکہ عالمی سطح پر اس سے نفرت اور اس کی مخالفت وسیع تر ہوئی ہے۔
آپ کا تبصرہ