ارنا کے مطابق لاہور میں " لبیک یا اقصی " گرینڈ ریلی کا اہتمام جماعت اسلامی پاکستان نے امریکی کونسلیٹ کے قریب کیا تھا۔
اس ریلی میں شریک لوگوں نے فلسطین کی آزادی کے نعرے لگائے ،شہدائے غزہ کے ساتھ تجدید میثاق کیا، صیہونیوں کے جرائم کی مذمت کی اور ناجائز اسرائيلی حکومت کے خلاف استقامتی فلسطینی محاذ کی مجاہدت کی حمایت کا اعلان کیا۔
ریلی سے خطاب میں مقررین نے غزہ میں دائمی جںگ بندی، محاصرے کے خاتمے اور عام شہریوں کو بچانے کے لئے انسان دوستانہ امداد کا راستہ کھولے جانے کا مطالبہ کیا۔
جماعت اسلامی پاکستان کے نئے سربراہ حافظ نعیم الرحمان نے اپنے خطاب میں شہدائے غزہ کو خراج عقیدت پیش کیا ۔
انھوں نے صیہونیوں کے جرائم کے مقابلے میں استقامتی محاذ کے سپاہیوں اور رہنماؤں کی استقامت کو خراج تحسین پیش کرتے ہوئے کہا کہ پاکستان کے عوام اسرائيل کے ساتھ سازباز کو ہرگزتسلیم نہیں کریں گے۔
انھوں نے کہا کہ ہم ناجائز صیہونی حکومت کو ہرگز تسلیم نہیں کریں گے۔
امیر جماعت اسلامی پاکستان حافظ نعیم الرحمان نے کہا کہ حکومت پاکستان اور سبھی اسلامی حکام سے ہمارا مطالبہ یہ ہے کہ غزہ کے عوام کا دل وجان سے ساتھ دیں، اور جنوبی افریقا کی طرح، اسرائيلی جرائم اور فلسطینیوں کی نسل کشی کے خلاف عالمی عدالت انصاف میں مقدمہ دائر کریں ۔
حافظ نعیم الرحمان نے کہا کہ پاکستان کے عوام فلسطین اور آپریشن طوفان الاقصی کے حامی ہیں اور ہم آخری سانس تک فلسطینی قوم کی امنگوں کا دفاع کرتے رہیں گے۔
آپ کا تبصرہ