اسپوٹنک کی رپورٹ کے مطابق سبرینا سنگھ نے ایک پریس کانفرنس میں کہا کہ "واشنگٹن سفارتی مراکز پر حملے کی حمایت نہیں کرتا"
انہوں نے صحافیوں کو بتایا کہ ہم نے خصوصی چینلز کے ذریعے ایران کو واضح طور پر بتادیا ہے کہ ہم دمشق میں ہونے والے حملے کے ذمہ دار نہیں ہیں۔
سبرینا سنگھ کا کہنا تھا کہ اس حملے میں امریکہ کا کوئی ہاتھ نہیں اور ہمیں اس حملے کے بارے میں پہلے سے کوئی علم نہیں تھا۔
پینٹاگون کی نائب ترجمان نے مزید کہا کہ امریکہ نے ایران سے رابطہ اس لیے کیا کیونکہ وہ خطے میں شدید کشیدگی کے درمیان اس حملے میں اپنی عدم مداخلت کو واضح طور پر بیان کرنا چاہتا تھا۔
آپ کا تبصرہ