باقی مسائل کو حل کرنے کیلئے واشنگٹن سے سیاسی فیصلے کی ضرورت ہے: ایران

یہ بات "سعید خطیب زادہ" نے پیر کے روز اپنی ہفتہ وار پریس کانفرنس میں صحافیوں کے ساتھ گفتگو کرتے ہوئے کہی۔
انہوں نے کہا کہ امریکی حکومت اپنے ملک کی پالیسیوں کی ذمہ دار ہے اور وہ جوہری معاہدے میں اپنے وعدوں سے انکار اور ایران کو نقصان پہنچانے کے نتائج بھگت رہی ہے۔
خطیب زادہ نے کہا کہ ویانا مذاکرات میں شریک وفود کے ارکان نے حالیہ دنوں میں گہرے مذاکرات کیے اور ویانا میں ماہرین کی ملاقاتوں کے تسلسل کی طرف اشارہ کرتے ہوئے عارضی طور پر اپنے ملکوں کو واپس چلے گئے۔
انہوں نے مزید کہا کہ حالیہ مذاکرات کے دوران کئی ٹیبلز اور کالم تیار کیے گئے، کچھ بریکٹ کو مٹا دیا گیا اور دونوں فریقوں کے درمیان ہونے والے معاہدوں کو فقروں اور الفاظ میں تبدیل کر دیا گیا، اہم تصفیہ طلب مسائل اور خصوصی سیاسی مسائل کے حل کے لیے واشنگٹن کی طرف سے سیاسی فیصلے کی ضرورت ہوتی ہے۔.
محکمہ خارجہ کے ترجمان نے اس بات پر زور دیا کہ اگر ایسا ہوتا ہے، تو ہم ایک اچھے اور قابل اعتماد معاہدے کی طرف تیزی سے آگے بڑھیں گے۔
انہوں نے ویانا مذاکرات کے بارے میں امریکی وزیر خارجہ کے ریمارکس کا حوالہ دیتے ہوئے انہیں مشورہ دیا کہ وہ منصوبہ A کو عملی جامہ پہنانے کے لیے ان کی پہل اختیار کریں۔
 انہوں نے مزید کہا کہ پلان بی کسی بھی ملک کے لیے پرکشش نہیں ہوگا۔
انہوں نے بعض امریکی حکام کی من گھڑت ڈیڈ لائن پر ردعمل ظاہر کرتے ہوئے کہا کہ امریکی صدر، خارجہ پالیسی ٹیم اور ان کے مذاکرات کار اس حقیقت سے بخوبی واقف ہیں کہ ایران کی کوششوں کی بدولت جوہری معاہدہ  اب زندہ ہے۔
خطیب زادہ نے پریس کانفرنس کے ایک اور پہلو میں اس بات پر زور دیا کہ ایران اور شام کے تعلقات قریبی ہیں اور ان کی اسٹریٹجک گہرائی کی وجہ سے تمام ممالک کو شام کی قومی خودمختاری کا احترام کرنا چاہیے۔
 انہوں نے کہا کہ ہمارے پاس شام کے بارے میں ایک طریقہ کار ہے جس کی بنیاد پر تمام تنازعات کو حل کیا جاسکتا ہے۔
انہوں نے اس بات کی طرف اشارہ کرتے ہوئے کہ ایرانی وزارت خارجہ صدر جمہوریہ آیت اللہ ابراہیم رئیسی کے دورہ کی تیاری کے لیے ایک وفد روس بھیجے گی، روس کا یہ طے شدہ دورہ بہت اہم ہے اور سرکاری دعوت کے جواب میں آیا ہے۔ جس کا مقصد تعلقات کو مضبوط کرنا ہے۔ جس کے دوران صدر مملکت اپنے روسی ہم منصب سے ملاقات کر کے سیاسی، اقتصادی اور سماجی امور پر تبادلہ خیال کریں گے۔
ہمیں اس ٹوئٹر لینک پر فالو کیجئے. IrnaUrdu@