ایران میں 60 ہزار میگاواٹ سولر پاور پلانٹس بنانے کی صلاحیت ہے

تہران، ارنا- ایرانی قابل تجدید کی تنظیم کے ترجمان نے کہا ہے کہ ملک میں 60 ہزارمیگاواٹ سولر پاور پلانٹس اور 40 ہزار میگاواٹ ونڈ پاور پلانٹس بنانے کی صلاحیت ہے۔

"جعفر محمد نژاد" نے جمعہ کے روز گفتگو کرتے ہوئے مزید کہا کہ مطالعات سے پتہ چلتا ہے کہ ایران میں اچھی شمسی تابکاری کی مقدار کی بنیاد پر ہم 60 ہزار میگاواٹ سے زیادہ سولر پاور پلانٹس بنا سکتے ہیں اور ہوا کی صلاحیت کے لحاظ سے ملک میں 40 ہزار میگا واٹ سے زیادہ بجلی پیدا کر سکتے ہیں۔

قابل تجدید توانائی تنظیم کے ترجمان نے کہا کہ ملک کی 910 میگاواٹ سے تھوڑی زیادہ بجلی، قابل تجدید پاور پلانٹس سے فراہم کی جاتی ہے۔

محمد نژاد نے کہا کہ نجی شعبے کے ذریعے 250 میگاواٹ کے قابل تجدید پاور پلانٹس تعمیر کیے جا رہے ہیں  اور نجی شعبے کے ذریعے قابل تجدید پاور پلانٹس کی تعمیر شروع ہو چکی ہے اور ان میں سے تقریباً 250 میگاواٹ کے پاور پلانٹس زیر تعمیر ہیں اور توقع کی جاتی ہے کہ موسم گرما میں عمل میں لایا جائے گا۔

انہوں نے مزید کہا کہ کچھ سرمایہ کاروں کے ساتھ حالیہ بات چیت کی بنیاد پر ایک مختلف مالیاتی ماڈل کے ساتھ  250 میگاواٹ کی صلاحیت سے ایک اور پاور پلانٹ تعمیر کیا جائے گا۔

واضح رہے کہ حالیہ دنوں میں ایرانی وزیر توانائی نے قابل تجدید پاور پلانٹس کی نئی صلاحیت کا حوالہ دیتے ہوئے کہا کہ 500 میگاواٹ نئے قابل تجدید توانائی کے پاور پلانٹس کو ملک کی بجلی پیدا کرنے کی صلاحیت میں شامل کیا جائے گا۔

"علی اکبر محرابیان" جب 13ویں حکومت کے وزیر توانائی کے طور پر متعارف ہوگئے تب انہوں نے 10,000 میگاواٹ کے قابل تجدید توانائی کے پاور پلانٹس کی تعمیر کو اپنے منصوبوں میں سے ایک قرار دیا تھا۔

**9467

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
captcha