ایرانی سپاہ پاسداران کا پاکستان کیساتھ فوجی تربیت کے شعبے میں تعاون بڑھانے پر تیار

تہران، ارنا - سپاہ پاسداران انقلاب اسلامی کے نائب وزیر تعلیم و تربیت نے سپاہ پاسداران انقلاب اسلامی کی پاکستان کے ساتھ فوجی مشقوں کے میدان میں تعاون بڑھانے کے لیے آمادگی کا اعلان کیا۔

یہ بات لیفٹینینگ جنرل "غلامرضا نوشادی" نے بدھ کے روز پاکستان کی فوج کے ڈائریکٹر جنرل برائے تعلیم ایڈمرل عبدالباسط بات کے ساتھ ایک ملاقات کے دوران گفتگو کرتے ہوئے کہی۔
انہوں نے دونوں ممالک کے درمیان مذہبی اور ثقافتی سمیت مختلف شعبوں میں تعلقات کی اہمیت پر زور دیا اور دونوں ممالک کی دفاعی سفارت کاری اور خارجہ پالیسی میں تعلیمی سفارت کاری کے کردار اور اثرات کی طرف اشارہ کرتے ہوئے کہا کہ ہم فوجی مشقوں کے میدان میں پاکستان کے ساتھ تعلقات کی سطح کو فروغ دینے کے لیے تیار ہیں۔
ایڈمرل عبدالباسط بات نے اس ملاقات میں پاسداران انقلاب کی صلاحیتوں اور تکنیکی پیشرفت کی تعریف کی اور فوجی مشقوں کے میدان میں پاسداران انقلاب کے ساتھ تعاون بڑھانے کی امید ظاہر کی۔
ہمیں اس ٹوئٹر لینک پر فالو کیجئے. IrnaUrdu@

متعلقہ خبریں

آپ کا تبصرہ

You are replying to: .
captcha