ایران نے صیہونی حکومت کی غلط کاریوں کے نتائج سے خبردار کیا

نیویارک، ارنا - اقوام متحدہ میں ایران کے مستقل نمائندے نے خلیج عمان میں صیہونی حکومت کے جہاز پر حملہ کرنے کے دعوے کو بے بنیاد قرار دیتے ہوئے دنیا کو اسرائیلی غلط حساب کتاب پر مبنی کارروائی کے نتائج سے خبردار کیا ہے۔

 یہ بات مجید تخت روانچی نے جمعہ کے روز اقوام متحدہ کے سکریٹری جنرل انتونیو گوٹرش اور اقوام متحدہ کی سلامتی کونسل کے سربراہ کو لکھے گئے ایک خط میں کہی۔

انہوں نے اسرائیل کے اس الزام کہ خلیج عمان میں اسرائیلی جہاز پر حالیہ حملے کے پیچھے ایران کا ہاتھ ہے، کو مسترد کردیا۔

تخت روانچی نے کہا کہ اس حملے کی خصوصیات یہ ظاہر کرتی ہیں کہ یہ حملے ان  اداکاروں کے ذریعہ انجام دیا گیا ہے جو اپنی بری پالیسیوں اور ناجائز اہداف کا پیچھا کرتے ہیں۔

اقوام متحدہ میں ایران کے مستقل نمائندے نے کہا کہ ایران پر الزام لگانے میں اسرائیل کا مقصد خطے میں اسرائیلی جرائم سے عوام کے ذہنوں کو ہٹانے کی کوشش ہے۔

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
3 + 8 =