ایران میں اسلامی انقلاب کے بعد گاڑیوں کی پیداواری صلاحیت میں تقریبا 17 گنا اضافہ

تہران، ارنا- ایرانی محکمہ برائے صنعت، تجارت اور کان کنی کے اعداد و شمار کے مطابق، ملک میں گزشتہ سال کے اختتام تک گاڑیوں کی تیاری کی گنجائش 2 ملین 699 ہزار تک پہنچ گئی ہے جس میں اسلامی انقلاب کی کامیابی کے بعد 8۔16 گنا اضافہ ہوگیا ہے۔

رپورٹ کے مطابق، 1979ء اور اسلامی انقلاب کی کامیابی کے ابتدا میں ملک میں صرف 160 ہزار گاڑی تیار کی جاتی تھیں۔

پھر 2012ء میں ملک میں گاڑیوں کی تیاری کی صلاحیت ایک ملین 900 ہزار کی تعداد تک پہنچ گئی؛ اور اب موجودہ حکومت کے دوران اور 2021ء تک گاڑیوں کی تیاری میں 42 فیصد کا اضافہ دیکھنے میں آیا ہے۔

رپورٹ کے مطابق، 2016ء کے آخر تک ملک میں گاڑیوں کی پیداواری صلاحیت 2 ملین 214 ہزار کی تعداد تک پہنچ گئی اور 2019ء کے آخر تک اس میں اضافہ ہوکر 2 ملین 607 ہزار کی تعداد تک پہنچ گئی۔

واضح رہے کہ رواں سال کے دوران ملک میں 625 ہزار 300 مختلف قسم کی گاڑیوں کی تیاری کی گئی ہے جس میں گزشتہ سال کے مقابلے میں 8۔18 فیصد کا اضافہ ریکارڈ کیا گیا ہے۔

**9467

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
captcha