ایران بھر میں اسلامی انقلاب کی 42 ویں سالگرہ کو منانے کی تیاریاں

تہران، ارنا- ایران میں عشرہ فجر (1 سے 10 فروری تک) کی آمد کی مناسبت سے ایرانی قوم مختلف تقریبات کے انعقاد سے 1979ء میں اسلامی انقلاب کی کامیابی کی سالگرہ کو منا رہے ہیں۔

تفصیلات کے مطابق اسلامی ثقافت کی اشاعت کی رابطہ کونسل کے ڈپٹی چیئرمین "نصر اللہ لطفی" نے کہا کہ عشرہ فجر کے پہلے دن کے آغاز سے ملک بھر میں صحت کے حافظتی تدابیر پر عمل پیرا ہوتے ہوئے 42 ہزار مختلف تقریبات کا انعقاد کیا جائے گا۔

انہوں نے مزید کہا کہ یکم فروری؛ مطابق اسلامی انقلاب کے بانی حضرت امام خمینی (رح) کی ایران واپسی کے موقع پر؛ دارالحکومت تہران اور ملک کے دیگر صوبوں میں مختلف تقاریب منعقد ہوں گی۔

لطفی نے 10 فروری میں موٹر پریڈ، مہرآباد ہوائی اڈے سے بہشت زہرا (س) تک امام خمینی (رح) کی آمد کے راستے پر پھول چڑھانے اور گرجا گھر کی گھنٹی بجانے اور جہازوں اور ٹرینوں کے سینگ بجانے کو اس تاریخی دن کی اہم تقریبات میں سے چند قرار دے دیا۔

اس کے علاوہ شہر قم میں امام خمینی (رح) کے گھر پر پھول چڑھانے اور تمام اسکولوں میں انقلاب کی گھنٹی کو دو علامتی طریقوں سے بجانے کو عشرہ فجر کے دیگر تقریبات میں سے چند قرار دے دیا۔

واضح رہے کہ یکم فروری 1979 کو انقلاب اسلامی کے عظیم بانی امام خمینی (رح) کی پیرس سے جلاوطنی کے بعد ایران آمد سے ایرانی قوم میں ایک نئی روح پھونکی گئی اور انھوں نے صرف 10 دن کے اندر ایک ظالمانہ بادشاہت کا خاتمہ کردیا۔

انقلاب اسلامی کی سالگرہ کی مناسبت سے ہرسالہ پورے ملک میں ہزاروں کی تعداد میں مختلف تقریبات کا انعقاد کیا جاتا ہے تا ہم رواں سال میں کرونا کے پھیلاؤ کی وجہ سے یہ اکثر تقاریب ورچوئل ہوں گی۔

**9467

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
captcha