دشمن عناصر ایران مخالف مقاصد تک پہنچنے میں ناکامی کا اعتراف کرتے ہیں: ایرانی سپریم لیڈر

تہران، ارنا- قائد اسلامی انقلاب نے کہا ہے کہ ملک کیخلاف دشمن عناصر جن میں سب سے زیادہ بدکردار امریکہ سر فہرست ہے، ایرانی قوم کو ان کے سامنے ہتیھار ڈالنے کیلئے اپنی تمام سیاسی اور معاشی صلاحیتوں کو بروئے کار لائے ہیں۔

ان خیالات کا اظہار حضرت آیت اللہ خامنہ ای نے آج بروز اتوار کو پارلمنیٹ کےارکین کیساتھ ویڈیو کانفرنس کرتے ہوئے کیا۔

انہوں نے مزید فرمایا کہ اس صورتحال میں حتی اگر اندرونی معاملات میں ہمارے درمیان کوئی اختلاف رائے ہو تو اس کو بالائے طاق رکھتے ہوئے دشمن کیخلاف مقابلہ کرنے کیلئے ایک دوسرے کیساتھ مل کر کام کرنا ہوگا۔

ایرانی سپریم لیڈر نے ایک بار دشمن عناصر کیخلاف یکجہتی اور اتحاد کے فروغ کی ضرورت پر زور دیا۔

انہوں نے ملک میں موجود معاشی مسائل کو کسی بیماری سے تشبیہ دیتے ہوئے کہا کہ ملک کے دفاعی قدرت اور ساتھ ہی ملک کے بنیادی ڈھانچے کی طاقتور ہونے کی وجہ سے ہم یقینا اس بیماری پر قابو پا سکتے ہیں جیسے کہ اب بھی ایران مخالف دشمن عناصر ملک کیخلاف سخت سے سخت پابندیاں عائد کرنے اور زیادہ سے زیا دہ دباؤ ڈالنے سے بھی ایران مخالف مقاصد تک پہنچنے میں ناکام ہوگئے ہیں۔

ایرانی سپریم لیڈر نے ملک میں موجود بے پناہ صلاحیتوں پر تبصرہ کرتے ہوئے کہا کہ ہزاروں علم پر مبنی کمپنیوں کا قیام، سو سے زائد بنیادی ڈھانچے کے منصوبوں کا نفاذ، نئے منصوبوں کا لگاتار آپریشنل، فوجی صنعت میں قابل قدر ترقی اور خلائی شعبے میں نئی کامیابیاں یہ سب کے سب ملک میں موجود بے پناہ صلاحتیوں کو بروئے کار لانے کی بدولت ہے۔

انہوں نے کرونا وائرس کیخلاف مقابلہ کرنے کیلئے ایرانی عظیم قوم کی خود قربانیان، کرونا وائرس کے پھیلاؤ کے دوران کمزور اور غریب خاندانوں کی مدد اور جنرل سلیمانی کے جنازے میں لاکھوں ایرانی عوام کی شرکت کو ان روحانی صلاحیتوں میں سے چند قرار دیتے ہوئے فرمایا کہ ایرانی عوام نے اپنے قومی وقار اور مزاحمت کے علمبردار شہید جنرل سلیمانی کیساتھ خراج عقیدت پیش کرنے سے اس بات کا ظاہر کردیا کہ وہ سامراجیت کیخلاف مقابلہ کرنے کی انتہائی قدر کرتے ہیں اور اس حوالے سے اپنے ہیرو کیساتھ خراج عقیدت پیش کرتے ہیں۔

آیت اللہ خامنہ ای نے کہا کہ ایرانی عظیم قوم ملک میں 2009 ء اور 1999ء کے واقعات میں حکومت کیخلاف دشمن عناصر کے ہر کسی منصوبے کو خاک میں ملا دیا؛ کیا کسی ملک میں اس سے بالاتر صلاحیت کا خیال کر سکتے ہیں؟

اس موقع پر ایرانی پارلیمنٹ کے اسپیکر "محمد باقر قالیباف" نے معاشرے کے کمزور عوام کی حمایت او ساتھ ہی پیداوار کے فروغ کے مقصد کی راہ میں حائل رکاوٹوں کو دور کرنے اور تجارتی شعبے میں تبدیلیاں لانے کو ایرانی گیارہیوں پارلیمنٹ کے مقاصد میں سے چند قرار دے دیا۔

**9467

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
6 + 2 =