کرونا وائرس امریکہ کیلئے پابندیوں کے نشے کو چھوڑنے کا اچھا موقع تھا: ظریف

تہران، ارنا-  ایرانی وزیر خارجہ نے پابندیوں کے باوجود کرونا وائرس کیخلاف مقابلہ کرنے میں ایرانی ترقی پر تبصرہ کرتے ہوئے کہا کہ کوویڈ-19 امریکہ کیلئے پابندیوں کے نشے کو چھوڑنے کا اچھا موقع تھا۔

ان خیالات کا اظہار "محمد جواد ظریف" نے پیر کی رات ایک ٹوئٹر پیغام میں کیا۔

انہوں نے کہا کہ اسلامی جمہوریہ ایران نے امریکی پابندیوں کے باوجود، اپنے انسانی وسائل اور غیر ملکی دوستوں کی مدد کی بدولت کرونا وائرس کیخلاف مقابلہ کرنے میں قابل قدر پیشرفت کی ہے۔

ظریف نے اس بات پر زور دیا کہ کوویڈ-19 امریکہ کیلئے پابندیوں کے نشے کو چھوڑنے کا اچھا موقع تھا؛ لیکن وہ اب ہمارے لوگوں کی یادوں میں بدنام رہے گا۔

یہ بات قابل ذکر ہے کہ ظریف نے اس سے پہلے ایک ٹوئٹر پیغام میں کہا تھا کہ امریکی لالچ کیخلاف عالمی اخلاقی اقدار کی فتح کیلئے پوری دنیا کو امریکی پابندیوں کو نظر انداز کرنے اور اس کے جنگی جرائم میں شریک نہ ہونے کی ضرورت ہے۔

ظریف نے کہا کہ پابندیوں کے نشے میں دھت امریکی حکومت، کرونا وائرس کیخلاف ایرانی کوششوں پر نقصان پہنچنے کیلئے ایران کیخلاف زیادہ سے زیادہ دباؤ ڈالنے کی پالیسی پر اور زیادہ زور دے رہی ہے۔

انہوں نے کہا کہ لیکن ہماری حکومت کی پالیسی اپنے عوام کی صحت کا تحفظ ہے کیونکہ عوام کا تحفظ سب سے ضروری بات اور ہماری ترجیحات کا سرفہرست ہے۔

ظریف نے کہا کہ ایران وہ واحد ملک جو اس وبائی مرض کیخلاف مقابلہ کرنے کیلئے ضروری ادویات اور طبی سہولیات اور ساز و سامان کو آسانی سے خرید نہیں کرسکتا۔

ایرانی وزیر خارجہ نے اس بات پر زور دیا کہ کرونا اور بائیکاٹ کا امتزاج، بحران کے انتظام کی راہ میں رکاوٹیں حائل کرتا ہے۔

واضح رہے کہ اقوام متحدہ کے سربراہ نے گزشتہ ہفتوں کے دوران اقوام متحدہ کی اعلی کونسل برائے انسانی حقوق کے بیان کی حمایت کرتے ہوئے کرونا وائرس سے متاثرہ تمام ممالک کیخلاف عائد پابندیوں کو اٹھانے کا مطالبہ کرتے ہوئے تمام ممالک سے کوویڈ-19 کی روک تھام میں ایرانی کوششوں کے تعاون کا مطالبہ کیا۔

ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
captcha