ایران میں زندگی سے لطف اندوز ہورہا ہوں: جاپانی سفیر

تہران، ارنا - اسلامی جمہوریہ ایران میں تعینات جاپان کے سفیر نے کہا ہے ایران ایک جمہوری ملک ہے اور وہ یہاں زندگی سے لطف اندوز ہو رہے ہیں.

یہ بات "میتسوگو سایتو" نے ایرانی سرکاری نیوز ایجنسی ارنا کے سربراہ "سید ضیاء ہاشمی" کے ساتھ ایک ملاقات کے دوران گفتگو کرتے ہوئے کہی.
انہوں نے اپنے سفارتی مشنوں کے دوران خلیج فارس کے ممالک سمیت سعودی عرب، متحدہ عرب امارات اور عمان میں زندگی گزارنے کا حوالہ دیتے ہوئے کہا کہ ایرانی عوام آسانی سے اپنے صدر اور پارلیمنٹ کو انتخاب کر رہے ہیں جسے دوسرے علاقائی ممالک کے مقابلے میں بڑھتی ہوئی جمہوریت کی علامت ہے.
سایتو نے ارنا نیوز ایجنسی کے مختلف شعبوں کے دورے کے موقع پر خواتین کی وسیع سرگرمیوں سے حیرت زدہ ہوگئے.
انہوں نے کہا کہ ایران میں قائم جاپانی سرگرم میڈیا سمیت Kyodo اور NHK کو ارنا نیوز ایجنسی کے ساتھ باہمی تعاون کرنا ہوگا.
جاپانی سفیر نے ارنا کے ایرانی حقائق کے تعارف میں اہم کردار کا حوالہ دیتے ہوئے کہا کہ بڑی افسوس کی بات ہے کہ مغربی میڈیا اس ملک کے اصلی چہرے کو نظر انداز کر رہے ہیں.
ہاشمی نے بھی جنوبی کوریا میں حالیہ ایشیا پیسیفیک خبررساں اداروں کی نشست اور ارنا نیوز ایجنسی کو اس تنظیم کی صدارت سنبھالنے پر تبصرہ کرتے ہوئے کہا کہ ایرانی اور جاپانی میڈیا ماضی سے زیادہ علاقائی اور عالمی تعاون کرسکتے ہیں.
ارنا چیف نے کہا کہ ارنا اور کیوڈو نیوز ایجنسیاں دونوں ممالک کے درمیان کثیرالجہتی تعلقات کو فروغ دینے کے لئے اہم کردار ادا کرسکتے ہیں.
ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
2 + 4 =