ایران نے بعض عرب حکمرانوں کے متعصبانہ بیان کو مسترد کردیا

تہران، 31 مئی، ارنا - اسلامی جمہوریہ ایران نے او آئی سی فورم کا غلط فائدہ اٹھانے پر سعودی رویے پر افسوس کا اظہار کرتے ہوئے بعض عرب اور خلیج فارس کے ملکوں کے ایران مخالف بیان کو سختی سے مسترد کردیا ہے.

ترجمان دفترخارجہ «سید عباس موسوی» نے اپنے ایک بیان میں کہا ہے کہ سعودی عرب اسلامی تعاون تنظیم (OIC) اجلاس کے بطور میزبان ملک اس فورم کا غلط فائدہ اٹھارہا ہے جو نہایت افسوسناک ہے.
انہوں نے اس اجلاس کے موقع پر بعض عرب اور خلیج فارس کے حکمرانوں کے ایران مخالف بیان کی مذمت کرتے ہوئے من گھڑت الزامات کی بھی سختی سے تردید کی ہے.
موسوی نے مزید کہا کہ سعودی عرب نے رمضان المبارک اور مقدس سرزمین مکہ کو اپنے سیاسی مقاصد کے لئے استعمال کرتے ہوئے او آئی سی اجلاس میں ایک بار پھر ایران مخالف بے بنیاد الزامات کو دہرایا.
انہوں نے کہا کہ اسلامی جمہوریہ ایران، سعودی عرب کی جانب سے ایران کے خلاف علاقائی ممالک اور عرب ریاستوں کا گٹھ جوڑ بنانے کی کوششوں کو امریکہ اور ناجائز صہیونی ریاست کی سازشوں کا حصہ سمجھتے ہیں.
ایرانی ترجمان نے مزید کہا کہ صہیونیوں کا اصل مقصد یہی ہے کہ مسلم اور عرب ریاستیں اپنے حقیقی دشمن اسرائیل سے غافل رہیں.
انہوں نے اس بات پر زور دیا کہ فلسطین سے متعلق سعودی عرب کی ناکام پالیسی اور بعض علاقائی ممالک کے غلط رویے کا ازالہ کیا جائے اور وہ ہرگز اس چیز کی اجازت نہ دیں کہ مسئلہ فلسطین سیاسی اختلافات کے نذر ہو.
274**9393*
ہمیں اس ٹوئٹر لینک پر فالو کیجئے. IrnaUrdu@

آپ کا تبصرہ

You are replying to: .
1 + 2 =