یہ بات "ژان ایو لودریان" نے پیر کے روز بروسلز میں یورپی یونین کے وزرائے خارجہ کی نشست کے آغاز سے پہلے صحافیوں کیساتھ گفتگو کرتے کہی۔
انہوں نے ایران کیجانب سے جوہری معاہدے کے یورپی اراکین کو 60 دن الٹی میٹم دینے کو نا مناسب قرار دے دیا۔
لودریان نے جوہری معاہدے سے متعلق ایران کے حالیہ فیصلے پر تشویش کا اظہار کرتے ہوئے کہا کہ ایران کیخلاف امریکی پابندیوں میں اضافہ ہونے اور اس کے علاوہ ایران اور امریکہ کے درمیان بڑھتی ہوئی تناؤ کے پیش نظر یورپی یونین کے وزرائے خارجہ اور اس اتحادی کی سربراہ کی تجویز یہ ہے کہ ایران، جوہری معاہدے پر قائم رہے۔
واضح رہے کہ امریکی وزیر خارجہ نے اپنے مختصر دورہ روس کے بعد آج بروز پیر یورپی یونین کے وزارئے خارجہ کیساتھ ایران سے متعلق مذاکرات کیلئے بروسلز روانہ ہوگئے اور کل بھی سوچی میں روس کے اعلی حکم کیساتھ مذاکرات کریں گے۔
متحدہ عرب امارات کے نیشنل اخبار کے مطابق، جرمنی، فرانس اور برطانیہ کے وزرائے خارجہ، آج یورپی یونین کی خارجہ پالیسی کے سربراہ کیساتھ جوہری معاہدے سے متعلق ایران کے حالیہ فیصلے کے بارے میں بات چیت کریں گے۔
یاد رہے کہ اسلامی جمہوریہ ایران نے امریکہ کی جوہری معاہدے سے غیرقانونی علیحدگی کے جواب میں ہیوی واٹر اور افزودہ یورونیم کی فروخت کو 60 دن کے لئے روکنے کا باضابطہ اعلان کردیا ہے.
صدر مملکت حسن روحانی نے گزشتہ دنوں اس فیصلے کا اعلان کرتے ہوئے کہا کہ امریکی خلاف ورزی کے جواب میں یہ ایران کا پہلا جوابی فیصلہ ہے.
انہوں نے جوہری معاہدے کے فریقین کو خبردار کیا کہ اگر وہ ایرانی کیس کو ایک بار پھر اقوام متحدہ کی سلامتی کونسل کو بھیجیں تو اس کا بھی ایران بھرپور جواب دے گا جس کی نوعیت کے بارے میں جوہری معاہدے کے فریقین کو دئے گئے مراسلے میں کہا گیا ہے.
9467**
ہمیں اس ٹوئٹر لینک پر فالو کیجئے. IrnaUrdu@