جاپانی وزیر اعظم کا دورہ ایران جلد متوقع

بیجنگ، 22 جون، ارنا - جاپان کے وزیر اعظم ''شنزو آبے'' رواں مہینے میں اسلامی جمہوریہ ایران کی قیادت کے ساتھ مذاکرات کے لئے تہران کا دورہ کریں گے.

جاپان کے سرکاری ذرائع کے مطابق، شنزو آبے کا آئندہ متوقع دورہ گزشتہ 40 سالوں میں کسی بھی جاپانی وزیراعظم کا پہلا ایران کا دورہ ہوگا.

جاپان کے خبر رساں ادارے (Kyodo) نے کہا کہ 1978 میں جاپان کے اس وقت کے وزیر اعظم تاکیو فوکودا نے ایران کا دورہ کیا تھا.

2017 میں اقوام متحدہ کی جنرل اسمبلی کے اجلاس کے موقع پر جاپانی وزیراعظم شنزو آبے اور صدر اسلامی جمہوریہ ایران ڈاکٹر ''حسن روحانی'' کے درمیان نیو یارک میں ملاقات ہوئی تھی.

جاپانی میڈیا کے مطابق، توقع کی جاتی ہے کہ شنزو آبے رواں مہینے ایران کے دورے کے موقع پر تہران قیادت کو ایران جوہری معاہدے کی اہمیت اور جاپان کی حمایت سے متعلق گفتگو کریں.

رپورٹس کے مطابق، تیل اور گیس کے ذخائر کے لحاظ ایران دنیا کے بڑے ملکوں میں شامل ہے اسی لئے جاپان، ایران کے ساتھ باہمی اقتصادی تعاون کو بڑھانے کا خواہاں ہے.

ذرائع کا کہنا ہے کہ جاپانی وزیراعظم کے آئندہ دورے کو حتمی شکل دی جارہی ہے.

274**

ہمیں اس ٹوئٹر لینک پر فالو کیجئے. IrnaUrdu@