ارنا کے مطابق صدر ایران ڈاکٹر مسعود پزشکیان نے جمعرات کی رات یمن کی اعلی سیاسی کونسل کے صدر مہدی المشاط کے ساتھ ٹلیفونی گفتگو میں انہیں اور ان کے ملک کے عوام کو عیدالفطر کی مبارکباد پیش کی ۔
صدر ایران نے اس ٹیلیفونی گفتگو میں رمضان المبارک کو غوروفکر کرنے کا مہینہ قرار دیا اور کہا کہ یہ مہینہ اس بات کو سمجھنے کا بہترین موقع ہوتا ہے کہ اگر مسلمانوں میں اتحاد ویک جہتی ہو تو کسی بھی مسلم قوم پر ظلوم وستم نہیں کیا جاسکتا۔
یمن کی اعلی سیاسی کونسل کے سربراہ نے بھی اس ٹیلیفونی گفتگو میں ایران کے صدر، عوام اور رہبر انقلاب اسلامی کو عیدالفطر کی مبارکباد پیش کی اور کہا کہ وحدت اسلامی کے بارے میں اسلامی جمہوریہ کا موقف باعث فخر ہے۔
انھوں نے کہا کہ اگر اسلامی ممالک مشترکہ نقاط پر توجہ مرکوز کریں اور متحد ہوجائيں تو سامراجی طاقتیں اسلامی ملکوں پر ظلم و ستم نہیں کرسکتیں۔